काठमाडौं । काठमाडौं महानगरपालिकाले नगर प्रहरीको संख्या बढाउने भएको छ । आगामी आर्थिक वर्षको बजेट प्रस्तुत गर्दै उपप्रमुख सुनीता डंगोलले हाल ३ सय ३४ जना रहेको नगरप्रहरीको दरबन्दी पाँच सय पुर्याउने बताइन् ।

महानगरप्रहरीको नगर प्रहरी बलमा हाल पाँच जना उपरीक्षक, पाँच जना प्रहरी नायब उपरीक्षक, ३२ जना प्रहरी निरिक्षक, ३९ जना सई, २६ जना असई र ६० जना हवल्दार लगायत रहेका छन् ।

हाल महानगरमा स्वीकृत ३ सय ३४ जनाको दरबन्दीमध्ये १ सय ६२ जना नगर प्रहरी जवान रिक्त भएपछि करारमार्फत निजी कम्पनीमार्फत खटाइएको छ । अब भने महानगरले नगरप्रहरीको दरबन्दी बढाउने भएको हो ।