काठमाडौं । एक्सेल डेभलपमेन्ट बैंक लिमिटेडको १७औं वार्षिक साधारणसभा सम्पन्न भएको छ । बैंकको साधारणसभा असार १६ गते शनिवार सिदार्थ होटल ग्राण्ड सिटी, बिर्तामोडमा संचालक समितिका अध्यक्ष महेन्द्र कुमार गोयलको अध्यक्षतामा सम्पन्न भएको हो ।
वार्षिक साधारणसभाले संस्थापक समुहका सेयरधनीहरु मध्येबाट ३ जना सञ्चालकहरुमा महेन्द्र कुमार गोयल, राजन शर्मा र अमित कुमार अग्रवाललाई निर्वाचित गरेको छ र उक्त सभामा पूर्व संचालक तथा संस्थापक सेयरधनी गणेश प्रसाद खनाललाई सम्मान गरिएको छ ।
प्रादेशिक बैंकको रुपमा झापा जिल्लाको बिर्तामोडमा केन्द्रीय कार्यालय रहेको बैंकको कार्यक्षेत्र कोशी प्रदेश रहेकोमा हाल झापा, इलाम, मोरङ, पाँचथर र सुनसरीका विभिन्न ४४ स्थानमा अवस्थित आफ्ना कार्यालयहरु मार्फत बैंकिङ सेवाप्रदान गरिरहेको छ भने चाडैं नै उदयपुर जिल्लाको रामपुरमा शाखा खोलिने जनाएको छ । आगामी दिनमा कोशी प्रदेशका अन्य जिल्लाहरुमा समेत शाखा विस्तार गर्दै लैजाने नीति बैंकले लिएको छ ।
बैंकको हालसम्म कर्जा लगानी करिब रु १० अर्व ८० करोड र निक्षेप संकलन रु १३ अर्व २५ करोड रहेको छ । सञ्चालक समितिका अध्यक्ष महेन्द्र कुमार गोयलले उद्धघाटन गरेको उक्त सभामा स्वागत मन्तव्य सञ्चालक राजन शर्माले र सभामा सहभागी महानुभावहरुलाई सहभागिताका लागि धन्यवाद मन्तव्य संचालक पर्शुराम दाहालले गरेका थिए ।
