काठमाडौं । दुवई पठाइदिन्छु भन्दै रकम ठगी गर्ने व्यक्ति पक्राउ परेका छन् । सप्तरी जिल्ला कन्चनरुप नगरपालिका वडा नं. ४ ठेलिया  घर भई हाल भक्तपुर लोकन्थली बस्ने ३२ वर्षीय बिरु पौडेल पक्राउ परेका हुन् ।

उनले विजय चौलागाईंलाई वैदेशिक रोजगारीका लागि दुबई पठाईदिन्छु आकर्षक तलब हुन्छ भनि विश्वास दिलाई प्रलोभनमा पारी पिडितबाट रकम लिई सम्पर्क विहिन भएको प्रहरीले जनाएको छ । उनलाई काठमाडौं उपत्यका अपराध अनुसन्धान कार्यलयबाट खटिएको प्रहरी टोलिले उनलाई असार २० गते  भक्तपुरको लोकन्थलीबाट पक्राउ गरेको हो ।

पक्राउ परेका पौडेललाई थप अनुसन्धान तथा कारवाहीका लागि वैदेशिक रोजगार विभाग ताहाचल, काठमाडौं पठाईएको छ ।