काठमाडौं । साताको कारोबारको अन्तिम दिन बिहिबार सेयर बजार मापक नेप्से परिसूचक घटेको छ । बुधबारको तुलनामा नेप्से परिसूचक १२.६२ अंकले घटेर २०८४.९३ बिन्दुमा पुगेको हो ।
बिहिबार नेप्सेमा कुल २९६ कम्पनीको ९३ लाख ७५ हजार ४ सय ४० कित्ता सेयर खरिद बिक्री हुँदा ३ अर्व ३९ करोडमाथिको सेयर कारोबार भएको छ । आज पनि सबैभन्दा बढी कारोबार शिवम् सिमेन्टको भएको छ । यस कम्पनीको २३ करोड ९३ लाख ९३ हजार ३ सय ४८ रुपैयाँ ६० पैसा बराबरको सेयर कारोबार भएको छ ।
यस्तै बिहीबारको सेयर बजारमा १०% एनएमबि डेबेञ्चर २०८५ का लगानीकर्ताहरु मालामाल भएका छन् । यस कम्पनीको सेयर मूल्य ९ प्रतिशत भन्दा धेरैले बढेको हो । यस अलवा १०.२५ % एसबिएल डेबेञ्चर २०८३, एनआइबिएल सम्वृद्धि फन्ड-२, सिटिजन्स म्युचुअल फण्ड-१, सानिमा ग्रोथ फण्ड र एनआइबिएल ग्रोथ फण्डका लगानीकर्ताहरु पनि मालामाल भएका छन् । हेर्नुहोस् बिहीबारको सेयर बजारमा सबैभन्दा बढी नाफा गर्ने कम्पनीहरूको सूचीः
यसैबीच बिहीबारको सेयर बजारमा सबैभन्दा बढी कारोबार शिवम् सिमेन्टको भएको छ । यस कम्पनीको २३ करोड ९३ लाख ९३ हजार ३ सय ४८ रुपैयाँ ६० पैसा बराबरको सेयर कारोबार भएको छ । यस अलावा सोल्टी होटल, हिमालयन लाइफ इन्स्योरेन्स, नेपाल दूरसंचार कम्पनी, चिलिमे हाइड्रोपावर कम्पनी र हिमालयन डिष्ट्रिलरीको पनि अत्याधिक कारोबार भएको छ । हेर्नुहोस् बिहीबारको सेयर बजारमा सर्वाधिक कारोबार हुने कम्पनीहरूको सूचीः
यस्तै बिहीबारको सेयर बजारमा पिपुल्स हाइड्रोपावरले सबैभन्दा बढी गुमाएका छन् । यस कम्पनीको सेयर मूल्य ६ प्रतिशत भन्दा धेरैले घटेको हो । पिपुल्स हाइड्रोपावरमा यस्तो गिरावट आउँदा हिमालयन पावर, बुद्धभुमि नेपाल हाइड्रोपावर, मनकामना स्मार्ट लघुवित्त र रिडी पावर कम्पनीमा पनि उच्च गिरावट देखिएको छ । हेर्नुहोस् बिहीबारको सेयर बजारमा सबैभन्दा बढी गुमाउने कम्पनीहरुको सूचीः
