काठमाडौैं । काठमाडौं महानगरपालिकाले सडक बत्ति र सीसीटिभी जडानका लागि मात्रै ५० करोड रुपैयाँ बजेट विनियोजन गरेको छ ।
महानगरपालिकाले चालु आर्थिक वर्ष २०८० ८१ को बजेटमा गौरवको आयोजनामध्ये ‘उज्याले शहर, मेरो महानगर’ र ‘महानगरले देख्छ’ योजनाका लागि ५० करोड छुट्याएको हो । महानगको ‘उज्यालो शहर, मेरो महानगर’ योजना (३० करोड बजेट) अन्तर्गत आगामी तीन वर्षभित्र महानगरका सबै सडकमा बत्ती जडान गरिसक्ने लक्ष्य राखिएको छ । जसअन्तर्गत महानगरका १०० स्थानमा हाइमास्ट लाइट जडान गरिने महानगरपालिकाले जनाएको छ ।
त्यस्तै, ‘महानगरले देख्छ’ योजनाका लागि महानगरले २० करोड रुपैयाँ विनियोजन गरेको छ । जसअन्तर्गत महानगरका सबै सडक, गल्ली, सार्वजनिक स्थानमा तीन वर्षभित्रमा सीसीटिभी क्यामेरा जडान गरिने महानगरले जनाएको छ ।
