">
- अर्थ सरोकार सम्बाददाता
काठमाडौँ । सिटिजन्स बैंकलाई नेपाल स्टक एक्सचेञ्ज (नेप्से)ले स्पष्टिकरण सोधेको छ । नेप्सेले बैंकसंग मंगलबार ७२ घण्टे स्पष्टिकरण सोधेको हो । बैंकले लाभांश घोषणा गर्दा धितोपत्र विनियम २०७५ अनुसार भएको व्यवस्था पालना नगरेको भन्दै नेप्सेले बैंकसँग स्पष्टिकरण सोधेको हो ।
बैंकले सेयर कारोबार समयमा बैंकले लाभांश घोषणा गरेको र उक्त लाभांश घोषणाबारे नेप्सेमा जानकारी गराइएको पत्रमा सञ्चालक समितिको बैठक बसेको समयसमेत उल्लेख नगरेको नेप्सेको भनाई छ । यस सम्बन्धमा बैंकलाई आफ्नो भनाई लेखेर ३ दिनभित्र जवाफ पठाउन नेप्सेले निर्देशन दिएको छ ।
