काठमाडौं । सिप्रदी अटोपार्टस् प्रा. लि. र अनलाइन स्टोर दराजबीच सहर्काय गर्ने सम्झौता भएको छ । अनलाइन स्टोर दराजमा टाटा जेन्युइन पार्टस र टाटा मोर्टस जेन्युइन आयल उपलब्ध हुन भएको छ ।
काठमाडौं स्थित हायात प्यालेस होटेलमा आयोजित एक कार्यक्रममा सिप्रदी कम्पनीका प्रमुख कार्यकारी अधिकृत राजनबाबु श्रेष्ठ र टाटा मोटर्सका अन्तराष्ट्रिय व्यापार प्रमुख राकेश मित्तलको प्रमुख उपस्थिती र काठमाडौं उपत्यका भित्रका खुद्रा बिक्रेता, देशभरका टाटा गुरुहरुको उपस्थितीमा सिप्रदी अटोपार्टस् प्रा. लि. का सिनियर जेनरल म्यानेजर युवराज बुढराथोकी र दराज अनलाइन स्टोरका व्यापार अधिग्रहण तथा आवरण प्रमुख नबिन रानामगरबीच सहमति र सहकार्यको सम्झौता भएको हो ।
अब टाटा मोटर्सका ग्राहकहरुले छिटो छरितो र सहज रुपमा टाटा जेन्युइन पार्टस् तथा टाटा मोटर्स जेन्युइन आयल खरिद गर्न सक्नेछन् । यसबाट ग्राहकवर्गहरु नक्कली पार्टपुर्जाबाट ठगिन पर्ने अवस्था रहने छैन र उचित मुल्यमा जेन्युइन पार्ट्सहरु प्राप्त गर्न सक्नेछन् ।
