काठमाडौं । गुहेश्वरी मर्चेण्ट बैंकिङ एण्ड फाइनान्स लिमिटेडका सिइओ श्रेष्ठले पदबाट राजीनामा दिएका छन् । सिइओ श्रेष्ठले व्यक्तिगत कारण देखाउँदै चार वर्षे कार्यकाल पुरा हुनु अगावै पदबाट राजीनामा दिएका हुन् ।
कम्पनीको सञ्चालक समिति बैठकले असोज २२ गतेदेखि लागू हुने गरी श्रेष्ठको राजीनामा स्वीकृत गरेको हो । २०७७ साउनमा एशियन लाइफ इन्स्योरेन्सबाट अवकाश पछि उनी एशियन लाइफको संस्थापक प्रवर्द्धकसमेत थिए ।
सिइओ श्रेष्ठले आफ्नो कार्यकालमा कम्पनीको लगानीको गुणस्तर सुधारेर जोखिमपूर्ण कर्जा लगानीवापतको प्रोभिजनिङ घटाउने काम गरेका थिए ।
श्रेष्ठ बाहिरिएसँगै तोयराज अधिकारीलाई गुहेश्वरी मर्चेण्टले प्रमुख कार्यकारी अधिकृत पदमा नियुक्त गरेको छ । अधिकारी वेष्ट फाइनान्स लिमिटेडमा प्रमुख कार्यकारी अधिकृत थिए ।
