काठमाडौं । हिमालयन रिइन्स्योरेन्सले प्रिमियममा आइपीओ निष्काशन गर्नका लागि बोर्डबाट अनुमति पाएको छ । बोर्डले कम्पनीलाई कार्तिक १ गते आइपीओ निष्काशनका लागि अनुमति प्रदान गरेको हो ।
उक्त कम्पनीलाई सय रुपैयाँ फेस भ्यालुमा १ सय ६ रुपैयाँ प्रिमियम थप गरी प्रतिकित्ता २ सय ६ रुपैयाँको दरले ३ करोड कित्ता प्राथमिक सेयर निष्काशनका लागि अनुमति दिएको बोर्डका सूचना अधिकारी मुक्तिनाथ श्रेष्ठले जानकारी दिएका छन् ।
कम्पनीले बोर्डमा भदौ २६ गते निवेदन पेश गरेको थियो । उक्त रिइन्स्योरेन्स कम्पनीले प्राथमिक बजारबाट ६ अर्ब १८ करोड रुपैयाँ संकलन गर्नेछ ।
साथै, धितोपत्र निष्काशन तथा बिक्री प्रबन्धकमा एनएमबी क्यापिटल रहेको छ । कम्पनीले आइपीओ निष्काशनका लागि गराएको रेटिङ अनुसार इक्रा नेपालबाट केयरएनपि आइआर ए माइनस रेटिङ पाएको हो ।
सो रेटिङले कम्पनीमा गरेको लगानीमा कम जोखिम रहेको संकेत गर्दछ ।
