काठमाडौं । पञ्चकन्या ग्रुपले ५१औं वार्षिकउत्सवको अवसरमा निःशुल्क स्वास्थ्य शिविरको आयोजना गरेको छ । कार्तिक १७ गते काठमाडौं मेडिकल कलेजको प्राबिधिक सहयोगमा नि : शुल्क स्वास्थ्य शिविरको आयोजना गरेको थियो ।
उक्त शिविरमा नाक, कान, घाँटी, आँखा, दन्त सेवा, स्त्री रोग, मुटु रोगको परीक्षण अन्तर्गत इसिजी तथा इको, बाल रोग, शल्यक्रिया, हाडजोर्नी तथा नशा र सामान्य स्वास्थ्य जाँच गरिएको थियो । शिविरबाट २९४ जनाले लाभ लिएका थिए ।
पञ्चकन्या ग्रुपले आफ्नो सामाजिक उत्तरदायित्व अन्तर्गत यस्ता कार्यक्रमहरु नियमित रुपमा सञ्चालन गर्दै आएको र ग्रुपले यस प्रकारका कार्यहरुलाई मुख्य प्राथमिकतामा राख्ने जनाएको छ ।
