काठमाडौँ । नेपाल एसबिआई मर्चेण्ट बैंकिङले वार्षिक साधारण सभाको आयोजना गरेको छ । बैंकको प्रधान कार्यालयको सभाहल कमलादीमा ८औँ वार्षिक साधारण सभा हुने भएको हो ।
सो सभा मंसिर ५ गते बिहान ११ बजे देखि सुरु हुने भएको छ । सभाले कम्पनीको प्रबन्धपत्र तथा नियमावलीको विभिन्न दफा नियममा प्रबन्धपत्रको दफा २ र नियमावलीको नियम ३ (ण) १९ (३), २८ (२) (ख), २८ (६), ३०(१) (क) तथा ३९ (४) संशोधन गर्ने सम्बन्धी प्रस्ताव पारित गर्नेछ ।
यस्तै, नियामक निकायहरुको निर्देशन बमोजिम प्रबन्धपत्र तथा नियमावलीका प्रस्तावित संशोधनहरुमा परिमार्जन गर्न उपयुक्त भएकोमा उक्त कार्यका लागि संचालक समितिलाई अधिकार प्रदान गर्ने प्रस्तावसमेत पारित गर्नेछ ।
आर्थिक वर्ष २०७९-८० को वार्षिक प्रतिवेदन छलफल गरी पारित गर्नुका साथै आर्थिक वर्ष २०८०-८१ को लागि लेखा परिक्षकको नियुक्ती र निजको पारिश्रमिक निर्धारण गर्ने प्रस्ताव पनि पारित गर्ने कम्पनीले जनाएको छ ।
सो सभाले कम्पनीको संचालक समितिमा प्रतिनिधित्व गर्ने १ जना स्वतन्त्र संचालकको नियुक्तीसमेत गर्नेछ ।
