काठमाडौं । सगरमाथा जलविद्युत कम्पनीले हकप्रद सेयर जारी गर्ने भएको छ । कम्पनी हाल कायम चुक्ता पुँजीको १०० प्रतिशत हकप्रद सेयर जारी गर्ने भएको हो ।
कम्पनीले उक्त हकप्रद सेयर जारी गर्ने प्रस्ताव सहित पुष २५ गते साधारणसभा बोलाएको छ । सभा कुण्डलिनी दरबार ब्यांक्वेट चण्डोल काठमाडौंमा अपरान्ह १ बजेबाट सुरु हुने जनाईएको छ । सभामा कम्पनी गाभ्ने, गाभिने वा प्राप्ती गर्ने सम्बन्धमा छलफल हुनेछ ।
यस्तै, आर्थिक वर्ष २०७९/८० को नाफा नोक्सान सम्बन्धी हिसाबका सम्बन्धमा छलफल हुनेछ भने आर्थिक वर्ष २०८०/८१ का लागि लेखापरीक्षक नियुक्ति र पारिश्रमिक निर्धारण गर्ने एजेन्डा पनि एजेण्डा छ । कम्पनीको प्रबन्धपत्र तथा नियमावली संसोधन गर्ने एजेण्डा समेत रहेको कम्पनीले जनाएको छ ।
सभा प्रयोजनका लागि कम्पनीले पुष १२ गते बुक क्लोज गर्ने भएको छ । तसर्थ, पुस ११ गतेसम्म कायम सेयरधनीले साधारण सभामा सहभागिता जनाउन सक्नेछन् ।
