काठमाडौं। बैंक अफ दी एयर २०२३ बन्न सफल प्रभु बैंकका प्रमुख कार्यकारी अधिकृत (सिइओ) अशोक शेरचन गृहजिल्ला बागलुङमा सम्मानित भएका छन् । बैंकिङ क्षेत्रमार्फत बागलुङलाई चिनाउन सफल भएको भन्दै उनलाई सम्मान गरिएको हो । राष्ट्रपति रामचन्द्र पौडेलले उनलाई सम्मानपत्र प्रदान गरेका हुन्।
सातौं बागलुङ महोत्सव अवसरमा शेरचनसहित महोत्सव सुरुआत गर्ने सहदेव राजभण्डारी, पूर्वअध्यक्षहरु ध्रुवराज गौतम, वसन्तकुमार श्रेष्ठ, जयराम भारी र युवराज राजभण्डारीलाई पनि सम्मान गरिएको थियो ।
