काठमाडौँ । ललितपुरको बालकुमारीमा भएको आन्दोलनमा प्रहरीले चलाएको गोली लागेर एकजनाको मृत्यु भएको छ । रोजगार अनुमति प्रणाली (ईपीएस) मार्फत कोरियामा काम गर्ने जान खोज्नेहरुले गरेको आन्दोलनमा भीड नियन्त्रण गर्न प्रहरी गोली चलाउँदा एक युवकको मृत्यु भएको हो ।

मृत्यु हुनेमा करिब २३ वर्षीय सुजन राउत रहेका छन् । उनको उपचारका क्रममा किष्ट हस्पिटलमा मृत्यु भएको अस्तालका चिफ अपरेटिङ अफिसर अमिश पाठकले पुष्टि गरेका छन् ।

शुक्रबार आन्दोलनकारीले भौतिक पूर्वाधार तथा यातायात मन्त्री प्रकाश ज्वालाले प्रयोग गरेको सरकारी गाडीमा आगजनीसमेत गरेका थिए । सोही प्रश्चात आन्दोलन बिथोल्न प्रहरीले बालकुमारीमा गोली चलाएको थियो । सोही गोली लागेर राउतको निधन भएको हो ।

गोली लागेपछि राउत सडकमै लडिरहेको अवस्थामा फेला पारेपछि उनलाई उपचारका लागि किष्ट हस्पिटल लगिएको थियो । उनको उपचारका क्रममा अस्पतालमै मृत्यु भएको हो ।