काठमाडौँ । सहकारीको क्षेत्र विस्तारमा घुस लिएको आरोपमा पक्राउ परेका कुश्मा नगरपालिकाका प्रमुख प्रशासकीय अधिकृत उदयबहादुर पराजुली जेल चलान भएका छन् ।

सहकारी रजिष्ट्रार कार्यालय गण्डकीका पूर्व रजिष्ट्रारसमेत रहेका पराजुलीलाई पुर्पक्षका लागि कारागार चलान गरिएको हो ।

न्यायाधीश ऋषिराम आचार्यको इजलासले पराजुलीलाई पुर्पक्षका लागि कारागार चलान गर्न आदेश दिएको हो ।

पराजुलीमाथि सहकारीको क्षेत्र विस्तार गर्नका लागि १ करोड ५ लाख रुपैयाँ लिएको आरोप लागेको छ ।