काठमाडौँ । अर्थ सरोकार डटकमले बैंकको रेटिङ स्वयम् ग्राहकले गर्न सक्नेगरी प्लेटफर्म सार्वजनिक गरेको छ । ‘बैंकर दाई’ नाम दिईएको सो प्लेटफर्ममा अव प्रयोगकर्ताले आफ्नो बैंकको सेवा सुविधाका आधारमा बैंकलाई रेटिङ गर्न सक्नेछन् ।

हाल ग्राहकले बैंकलाई एक देखि ५ तारासम्म रेटिङ दिन सक्नेछन् । यहि रेटिङका आधारमा सम्बन्धित बैंकले ग्राहकले आफ्नो बैंकलाई कसरी हेरिरहेका छन् भन्ने बुझ्न सक्ने विश्वास अर्थ सरोकारले लिएको छ । हालसम्म यस्तो सुविधा कतै थिएन । अव एकै ठाउँमा केहि क्लिकमार्फत ग्राहकले आफ्नो बैंकलाई रेटिङ दिन सक्नेछन् ।

कुन बैंकले कति रेटिङ पायो भन्ने विवरण पनि बैंकर दाई प्लेटफर्ममा सहजै हेर्न सकिन्छ ।

बैंकलाई मात्र होइन, प्रयोगकर्ताले अव आफुले रुचाएको बैंकको सीइओलाई पनि ‘लाइक’ गर्न सक्नेछन् । प्रत्येक लाईकलाई एक भोट गनी हरेक दिन पछिल्लो एक महिनामा सबैभन्दा बढी कुन बाणिज्य बैंक, कुन बिकास बैंक, कुन फाइनान्स र कुन लघुवित्त कम्पनीको सीइओले जनताको सबैभन्दा बढी भोट पाए भन्ने तथ्यमा आधारित रहेर बैंकर दाई प्लेटफर्ममा ‘सीइओ अफ द मन्थ’को घोषणा हुनेछ । बर्षभरी बैंक र बैंकका सीइओहरुले पाएको भोटका आधारमा बर्षमा एक पटक बैंक अफ द एयर र सीइओ अफ द एयरको सो सिष्टममा स्वत: घोषणा हुनेछ ।