काठमाडौँ । मुक्तिनाथ कृषि कम्पनीको ५औं वार्षिक साधारणसभा सम्पन्न भएको छ । सभा पौष २५ गते यती इभेन्टस् एण्ड कन्फेरेन्स सेन्टर काठमाडौंमा सम्पन्न भएको हो ।
सभामा कम्पनीका अध्यक्ष भरतराज ढकालले आर्थिक वर्ष २०७९/२०८० को संचालक समितिको प्रतिवेदन र आगामी वर्षहरुको कार्ययोजनाका साथै, मुक्तिनाथ कृषि कम्पनीका सचिव रामशरण तिमल्सिनाले भिजन ८५को रणनीतिक कार्यहरुको बारेमा बताएका थिए ।
पाँचौ वार्षिक साधारण सभाबाट कम्पनीले नयाँ संचालक समितिको चयन गरेको छ । जसअन्तर्गत सर्वसम्मत रुपमा नयाँ संचालकहरुमा संस्थापक तर्फबाट भरतराज ढकाल, सीताराम काफ्ले र तुलसीराम ढकाल संस्थापक संस्थागत तर्फबाट मुक्तिनाथ विकास बैंकबाट गोविन्द बहादुर राउत र सर्वसाधारणको तर्फबाट चिरन्जीवी अर्याल निर्वाचित भएका छन् ।
साथै, २०८० साल पौष २६ गते बसेको निर्वाचित संचालकहरुको बैठकबाट सीताराम काफ्ले अध्यक्षमा चयन भएका छन् । त्यस्तै, उक्त बैठकबाट ४वर्षे कार्यकालका लागी भरतराज ढकाललाई प्रबन्ध निर्देशकमा चयन गरिएको छ ।
