काठमाडौं। अरुण भ्याली हाइड्रोपावरको २६औं वार्षिक साधारणसभा पुष २९ गते कम्पनीका अध्यक्ष जीवन राज शाक्यको अध्यक्षतामा सम्पन्न भएको छ । सभा काठमाडौंको नयाँ बानेश्वरमा रहेको इन्द्रेणी कम्प्लेक्समा सम्पन्न भएको हो ।

उक्त साधारणसभाले आर्थिक वर्ष २०७९/८० को प्रयोजनको लागि सञ्चालक समितिको वार्षिक प्रतिवेदन छलफल गरी पारित गरेको छ ।

अरुण भ्याली हाइड्रोपावर डेभलपमेन्ट कम्पनी लिमिटेड हकप्रद निष्काशनका लागि अघि बढेको छ । बोर्डले भखरै मात्र अरुण भ्यालीलाई १:१ को अनुपातमा शत प्रतिशत हकप्रद सेयर निष्काशनको लागि अनुमति प्रदान गरेको हो ।

हाइड्रोपावरले १ करोड ८६ लाख ७९ हजार ६ सय २६ कित्ता बराबरको सेयर निष्काशन गर्ने छ । सेयर निष्काशनको काम मुक्तिनाथ क्यापिटलले गरिरहेको छ ।