">
काठमाडौं । सिन्धु विकास बैंकको स्वतन्त्र संचालकमा भरत बहादुर कार्की नियुक्त भएका छन् । बैंकको रिक्त रहेको स्वतन्त्र संचालक पदमा ललितपुर-१४, नखिपोट निवासी कार्की नियुक्त भएका हुन् ।
बैंकको संचालक समितिको बैठकले आगामी ४ वर्षको लागि स्वतन्त्र संचालक पदमा उनलाई नियुक्त गर्ने निर्णय गरेको हो ।
साथै, नव नियुक्त संचालक भरत बहादुर कार्कीद्वारा बैंकको कर्पोरेट कार्यालय, बनेपामा सम्पन्न कार्यक्रममा बैंकको अध्यक्ष राजेन्द्र कुमार श्रेष्ठ तथा बैंकको संचालक समिति समक्ष शपथ ग्रहण कार्य समेत सम्पन्न भएको छ ।
बैंकले हालसम्म सिन्धुपाल्चोक, काभ्रे, दोलखा, चितवन र मकवानपुर जिल्लामा समेत गरी कुल २६ शाखा र १ सिमिति बैंकिङ ईकाई गरी कुल २७ स्थानहरुबाट वित्तिय सेवा प्रदान गरिरहेको छ ।
