काठमाडौँ । नेपाल राष्ट्र बैंकले मंगलबार बैंकिङ प्रणालीबाट थप २० अर्ब रुपैयाँ तान्न लागेको छ । बैंक तथा वित्तीय प्रणालीमा तरलता अत्याधिक भएको भन्दै राष्ट्र बैंकले तरलता व्यवस्थापनका लागि निक्षेप संकलन उपरकणमार्फत थप २० अर्ब रुपैयाँ तान्न लागेको हो ।
अन्तर बैंक दर तीन प्रशितभन्दा तल झरेपछि बैंकिङ प्रणालीबाट पैसा तान्न लागिएको राष्ट्र बैंकले जनाएको छ ।
राष्ट्र बैंकले बैंकिङ प्रणालीबाट पैसा तान्नका लागि मंगलबार (आज) दिउँसो ३ बजे बोलकबोल गर्नेछ । राष्ट्र बैंकका अनुसार घटीमा १० करोड र बढीमा पाँच करोड रुपैयाँले भाग गर्दा निःशेष भाग जाने गरी बैंक तथा वित्तीय संस्थाहरुले बोलकबोल गर्न सक्नेछन् । निक्षेप संकलन उपकरणको बोलकबोलमा ‘क’, ‘ख’, र ‘ग’ वर्गका बैंक तथा वित्तीय संस्थाहरु मात्रै सहभागी हुन पाउनेछन् ।
