काठमाडौँ । साताको कारोबारको चौथो दिन सेयर बजारमा करेक्सन देखिएको छ । आइतबारदेखि निरन्तर बढिरहेको बजारमा बुधबार करेक्सन देखिएको हो । बुधबार सेयर बजार मापक नेप्से परिसूचक २१.६७ अंकले घटेर २०९७.९३ बिन्दुमा पुगेको छ ।
बुधबार नेप्सेमा कुल ३१३ कम्पनीको १ करोड ४७ लाख ७७ हजार १ सय २० कित्ता सेयर खरिदबिक्री हुँदा ५ अर्ब २९ करोडमाथिको सेयर कारोबार भएको छ ।
बुधबार सबैभन्दा धेरै कारोबार हिमालन रिइन्स्योरेन्स लिमिटेडको भएको छ ।
