काठमाडौँ । सुनसरीमा भैँसी चोरेको आरोपमा ४० वर्षीय किसान यादव पक्राउ परेका छन् । भोक्राहा नर्सिङ गाउँपालिका–४ लबटोलियाका जुगेश्वर यादवको दुईवटा भैँसी चोरी गरेको आरोपमा यादवलाई पक्राउ गरिएको हो ।

यादवको साथबाट प्रहरीले कटुवा पेस्तोल १ थान र सोही पेस्तोलको गोलीको खोका १ थान पनि बरामद गरेको छ ।

हाल उक्त चोरीमा संलग्न थप अन्यहरुको पनि खोजिकार्य भइरहेको प्रहरीले जनाएको छ । हाल पक्राउ परेका यादवमाथि प्रहरीले थप अनुसन्धान गरिरहेको छ ।