काठमाडौं। वैदेशिक रोजगारीका लागि विदेश पठाईदिने भन्दै रकम ठगी गर्ने एक महिला पक्राउ परेकी छिन् । पक्राउ पर्नेमा काडाँघारी बस्ने ४३ वर्षीय फूलमाया खत्री पक्राउ परेकी हुन् ।

उनले प्रकाश बुढाथोकीलाई आकर्षक तलबको प्रलोभन देखाएर माल्दिभ्स पठाईदिने भन्दै ४ लाख ४० हजार रुपैयाँ ठगी गरेकी थिइन् । उनलाई काठमाडौं उपत्यका अपराध अनुसन्धान कार्यलयबाट खटिएको प्रहरी टोलीले काडाँघारीबाट पक्राउ गरेको हो ।

पक्राउ परेकी खत्रीलाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।