काठमाडौँ । एनआईसी एशिया बैंकबाट राजिनामा दिएर पुन: फर्किएका बैंकका डेपुटी सीइओ सुधिर नाथ पाण्डेले एनआईसी एशिया बैंकले शाखा कार्यालयहरू बन्द गर्न नलागेको दाबी गर्दै विज्ञप्ति निकालेका छन् । एनआईसीले ५० वटा शाखा बन्द गर्न नेपाल राष्ट्र बैंक समक्ष निवेदन दिएको भन्दै समाचारहरु सार्वजनिक भएको ३ दिनपछि उनले सो समाचारको खण्डन गरेका हुन् ।
विज्ञप्तिमार्फत बैंकले देशको कुल जनसंख्यामध्ये २० वर्षदेखि ५० वर्ष उमेर समूहसम्मको आर्थिक रूपमा सक्रिय जनसंख्याको करिब २५ प्रतिशत जनतालाई सेवा दिन सफल भएको बैंकको दाबी छ ।
उनले किन राजिनामा दिए, र के कारणले फर्किए भन्ने विषयमा भने विज्ञप्ति मौन छ ।
