">
काठमाडौँ । काठमाडौँको कालिमाटीस्थित खाद्य स्टोरबाट २० लाख रुपैयाँ चोरी गरेको आरोपमा प्रहरीले एकजनालाई पक्राउ गरेको छ । प्रहरीले कञ्चनपुरको शुक्लाफाँटा नगरपालिका-८ फाँटबारीका २२ वर्षीय लोक सिंह ठगुन्नालाई पक्राउ गरेको हो ।
ठगुन्नाले कालिमाटीस्थित अमन खाद्य स्टोरबाट माघ २७ गते २० लाख रुपैयाँ चोरी गरेको प्रहरीले जनाएको छ ।
प्रहरीका अनुसार उक्त रकम चोरी गरेर ठगुन्ना राइड सेयरिङको मोटरसाइकल चढेर ठमेलको डान्सबार पुगेका थिए । त्यसलगत्तै उनी माघ २८ गते साँझ कैलालीको अत्तरिया गएका थिए ।
उनलाई कैलालीको गोदावरी नगरपालिका-२ स्थित न्यू सत्कार होटलमा लुकिछिपी बसेको अवस्थामा पक्राउ गरिएको प्रहरीले जनाएको छ ।
