काठमाडौँ । सैनिक मञ्च टुँडिखेलमा पत्रकारहरुलाई प्रवेशमा रोक लगाइएको छ । राष्ट्रिय प्रजातन्त्र दिवसको अवसरमा टुँडिखेलमा आयोजित कार्यक्रममा समाचार संकलनका लागि गएका पत्रकारहरुलाई प्रवेशमा रोक लगाइएको हो ।

समाचार संकलनका लागि टुँडिखेल प्रवेशमै रोक लगाएपछि फोटो पत्रकारहरुले सैनिक मञ्च टुँडिखेलकै गेटमा क्यामेरा डाउन गरेका छन् ।

सूचना विभागको कार्ड देखाउँदा पनि भित्र प्रवेश गर्न नदिएपछि सांकेतिक रुपमा विरोध जनाएको पत्रकारहरुले बताएका छन् । अहिले मूल समारोह समितिको आयोजनामा टुँडिखेलमा ७४औँ प्रजातन्त्र दिवस समारोह भइरहेको छ ।