काठमाडौं । वैदेशिक रोजगारका लागि न्युजिल्याण्ड पठाईदिन्छु भन्दै १२ लाख ७० हजार ठग्ने दुई जनालाई प्रहरीले पक्राउ गरेको छ । पक्राउ पर्नेमा ३० वर्षीय रमेश गुरुङ र ३० वर्षीय गंगा गुरुङ रहेका छन् ।
उनीहरुले विभिन्न व्यक्तिहरुलाई न्युजिल्याण्ड पुगेपछि प्रतिष्ठित कम्पनीमा प्याकिङको काम लगाईदिने र आकर्षक तलब सुबिधा हुने प्रलोभन देखाएर रकम ठगी गरेको प्रहरीले जनाएको छ । काठमाडौं उपत्यका अपराध अनुसन्धान कार्यलयबाट खटिएको प्रहरी टोलीले उनीहरुलाई फागुन १३ गते काठमाडौं महानगरपालिका वडा नं. ०४ चण्डोलबाट पक्राउ गरेको हो ।
पक्राउ परेका उनीहरुलाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको छ ।
