">
काठमाडौँ । सञ्चार तथा सूचना प्रविधि मन्त्री रेखा शर्माले देशमा ब्यान्डविथको प्लेटफर्म नहुँदा टिकटक बन्द गर्न सरकार असफल भएको बताएकी छिन् । बिहीबार काठमाडौँमा आयोजित अनलाइनमा महिला सुरक्षा विषयक अन्तरक्रिया कार्यक्रममा सरकारको असफलताबारे चर्चा गर्दै मन्त्री शर्माले यस्तो बताएकी हुन् ।
‘ब्यान्डविथको प्लेटफर्म नहुँदा टिकटक बन्द गर्ने सरकारको निर्णय असफल भएको छ ।’, उनले भनिन्, ‘सरकारले टिकटक बन्द गर्ने भनेर निर्णय त गर्यो तर हामीले पुरै बन्द गर्न सकेनौँ । प्लेटफर्म बनाउन प्रयत्न गर्न जरुरी छ ।’
त्यस्तै, मन्त्री शर्माले इन्टरनेटको दुरुपयोगबाट महिलाहरुले असुरक्षा र हिंसा भोग्नुपरेको बताईन् । संसारभरी चल्ने सबै डिजिटल प्लेटफर्म नेपालमा प्रयोग हुन् तर त्यसको नियमन गर्न नसक्ने हुँदा असुरक्षा पैदा भएको मन्त्री शर्माको भनाई छ । ‘इन्टरनेटको प्रयोगबाट धेरै फाइदा लिन सक्छौँ । तर, जति प्रयोग गर्नुपर्ने हो त्यति प्रयोग गर्न सकेनौँ ।’, उनले भनिन्, ‘इन्टरनेटको प्रयोगकर्ताहरूको दुरुपयोगबाट महिलाहरुले असुरक्षा, हिंसा भोग्नुपरेको छ । संसारभरि चल्ने सबै डिजिटल प्लेटफर्म हामी प्रयोग त गछौँ । तर त्यसलाई नियमन गर्ने स्थिति छैन ।’
