काठमाडौं । गरिमा विकास बैंक लिमिटेडले नयाँ एक्सटेन्सन काउण्टर संचालनमा ल्याएको छ । बैंकले स्याङ्जा जिल्लाको वालिङ नगरपालिका वडा नं. ९ स्थित भुम्रेमा एक्सटेन्सन काउण्टर संचालनमा ल्याएको हो ।

उक्त एक्सटेन्सन काउण्टरमा फाल्गुन २३ गतेदेखि कारोबार शुभारम्भ भएको छ । सो एक्सटेन्सन काउण्टरबाट ग्राहकहरुले खाता खोल्न, नगद जम्मा गर्न, नगद झिक्न, रेमिट्यान्समार्फत रकम पठाउन र प्राप्त गर्न लगायतका बैंकिङ सुविधाहरु प्राप्त गर्न सक्नेछन् ।

काठमाण्डौंको लाजिम्पाटमा केन्द्रीय कार्यालय रहेको गरिमा विकास बैंक लिमिटेडको काठमाडौँ उपत्यकाभित्र २२ सहित देशभर १२३ शाखा कार्यालय, १ एक्सटेन्सन काउण्टर र ५१ वटा एटिएम मार्फत ग्राहकहरुलाई सेवा प्रदान गर्दै आईरहेको छ ।