काठमाडौँ । प्रहरीले पूर्व अर्थमन्त्री एवं माओवादी केन्द्रका उपाध्यक्ष कृष्ण बहादुर महरालाई पक्राउ गरेको छ । सुन तस्करीमा जोडिएपछि प्रहरीले उनलाई पक्राउ गरेको हो ।
उनलाई अहिले काठमाडौँ ल्याइएको छ । एयरपोर्टबाट हतकडी नलगाई उनलाई सीआइबीको कार्यालय पुर्याइएको थियो । आजै अदालतमा उपस्थित गराएर अनुसन्धानका लागि म्याद थप गरिएको छ ।
भातै छोडेर भारत भाग्दै थिए महरा, प्रहरीले पिछा गरेर यसरी समात्यो
प्रहरीका अनुसार उनी भित्री बाटो हुँदै भारत भाग्न खोज्दै थिए । प्रहरीले पिछा गरिरहेको जानकारी पाएपछि महरा विहानको खाना छाडेर हिँडेका थिए । यस विषयमा जानकार प्रहरीले उनलाई पक्राउ गरेको थियो ।
गृहमन्त्री रवि लामिछानेले सुन तस्करी प्रकरणमा मुछिएका सबैमाथि अनुसन्धान प्रक्रिया अगाडि बढाउन प्रहरी नेतृत्वलाई निर्देशन दिएपछि उनी पक्राउ परेका थिए । उनलाई पक्राउ गर्ने विषयमा यसअघि नै प्रचण्डलेसमेत ग्रिन सिग्नल दिईसकेका थिए ।
