काठमाडौँ । नेपाल प्रहरीले सञ्चालन गरेका पेट्रोल पम्पहरु २४सै घण्टा खुल्न थालेका छन् ।
उपप्रधान एवम् गृहमन्त्री रवि लामिछानेको निर्देशनपछि चैत ७ गते (बुधबार) देखि नेपाल प्रहरी र सशस्त्र प्रहरीले सञ्चालन गरेका पेट्रोल पम्पहरु २४सै घण्टा खुला हुन थालेका हुन् ।
गृहमन्त्रीको निर्देशनपछि तत्कालका लागि नेपाल प्रहरीको प्रधान कार्यालय नक्साल, सशस्त्र प्रहरी बलको प्रधान कार्यालय हल्चोक र पोखरामा सञ्चालित पेट्रोल पम्पहरु २४सै घण्टा खुला गरिएका छन् ।
