काठमाडौं । ग्लोबल मनि विकको अवसरमा कृषि विकास बैंकले सुनसरी जिल्लाको हरिनगरामा विद्यार्थीसँग बैंक कार्यक्रम सम्पन्न गरेको छ । हरिनगरकै हरिनगर माविमा कक्षा ११ र १२ मा पढ्ने ८० जना विद्यार्थीको सहभागीतामा विद्यार्थीसँग बैंक कार्यक्रम सम्पन्न गरेको हो ।
कार्यक्रमको लागी बैंकको तर्फबाट प्रमुख कार्यकारी अधिकृत, विभागीय प्रमुख, प्रदेश निर्देशक, शाखा हरिनगरा प्रमुखको सहभागीता रहेको थियो । बैंकको यस किसिमको पहलबाट प्रफुल्लित भएर हरिनगरा गाउँपालिकाका अध्यक्ष गफार अन्सारीले बैंकलाइ धन्यबाद दिन विद्यालयमा नै आएका थिए । विद्यार्थीहरुलाई वित्तिय साक्षरताको बारे राम्रोसँग सिक्न र घर परिवारमा समेत सिकाउन सुझाव दिए ।
कार्यक्रममा वित्तीय साक्षरता भनेको के हो ? यसको महत्व र उद्देश्य, बैंकिङ कारोबार, पारिवारीक बजेट, विप्रेषण, विमा, गैह्र बैंकिङ कारोवार र यी सेवा र सुविधाको लागी एडिविएलको पहल बारे विद्यार्थीहरुलाई जानकारी दिइएको थियो । प्रदेश निर्देशक रञ्जन खनाल र विभागीय प्रमुख विना शर्माले सहजिकरण गरेका थिए ।
कार्यक्रममा विद्यार्थीहरुले बजारमा चलिरहेका दुष्प्रचार र यसको पछाडीका कारणहरुबारे प्रश्न गरेका थिए, जसलाइ सहजकर्ताहरुले जवाफ दिएका थिए ।
