">
काठमाडौँ । भाइको सट्टामा एसइई परीक्षा दिने दाइ पक्राउ परेका छन् । दैलेखको त्रिभुवन माध्यामिक विद्यालयमा भाइको सट्टामा परीक्षा दिन बसेका १७ वर्षीय प्रेम न्यौपाने पक्राउ परेका हुन् ।
चैत १५ गते (आज)देखि सुरु भएको एसइईको अँग्रेजी विषयको परीक्षामा न्यौपानेले नियमित एसइई परीक्षार्थी सुनिल प्रसाद जैशीको सट्टामा परीक्षा दिएको पाइएपछि उनलाई पक्राउ गरिएको जिल्ला प्रहरी कार्यालय दैलेखले जनाएको छ । प्रहरीका अनुसार नक्कली परीक्षार्थी हो भन्ने थाहा पाएपछि पक्राउ गरेर न्यौपानेलाई थप कारवाहीका लागि प्रहरीको जिम्मा लगाइएको छ ।
पक्राउ परेका न्यौपाने नायारण नगरपालिका-१ स्थित त्रिभुवन माध्यामिक विद्यालयमा कक्षा १२ मा अध्ययनरत छात्र हुन् । उनलाई महाबु गाउँपालिका गैडाबाज माध्यामिक विद्यालय, रानीवनका जैशीको परिक्षा दिंदै गरेको अवस्थामा पक्राउ गरिएको प्रहरीले जनाएको छ ।
पक्राउ परेका न्यौपाने सुनिल प्रसाद जैशीको दाइ नाता पर्ने रहेको बताइएको ।
