काठमाडौँ । प्रधानमन्त्री पुष्पकमल दाहाल (प्रचण्ड)ले सफल हुन नसक्ने सयौँ आयोजना खारेज गर्ने घोषणा गरेका छन् । बिहीबार राष्ट्रिय विकास समस्या समाधान समितिको ५२औँ बैठकलाई सम्बोधन गर्दै प्रधानमन्त्री प्रचण्डले सफल हुन नसक्ने आयोजनाहरु खारेज गर्ने घोषणा गरेका हुन् ।

उनले आगामी आर्थिक वर्षको बजेट निर्माण गर्दा परम्परागत शैलीलाई तोड्दै सफल नहुने खालका सयौँ आयोजनाहरु खारेज गर्ने बताएका हुन् ।

त्यस्ता आयोजनाहरुमा विगतमाजस्तो १० लाख, २० लाख छुट्याउने काम बन्द गर्ने पनि बताएका छन् । उनले जनतामा आशा र परिणाम दिन पनि बजेट निर्माणको परम्परागत शैली बदल्ने उल्लेख गरेका छन् ।