काठमाडौँ । सन् २०२४ मा थाइल्याण्ड जाने नेपालीको संख्या ह्वात्तै बढेको छ । थाइल्याण्डको पर्यटन तथा खेलकुद मन्त्रालयको रिपोर्ट अनुसार सन् २०२४ मा घुमफिरका लागि थाइल्याण्ड जाने नेपालीको संख्या बढेको हो । पछिल्लो दुई महिना (जनवरी र फेब्रुअरी)मा मात्रै नेपालबाट ६ हजार ८ सय ६० जना नेपाली घुमफिरका लागि थाइल्याण्ड पुगेका छन् ।
जबकी गत आर्थिक वर्षको सोही अवधिमा नेपालबाट ४ हजार ३ सय ६० जना नेपाली थाइल्याण्ड पुगेका थिए । जुन यस वर्ष (सन् २०२४)को तुलनामा २९.३८ प्रतिशत धेरै हो ।
त्यस्तै, चालु आर्थिक वर्षको फागुन महिनासम्म नेपालीहरुले विदेश भ्रमणका लागि मात्र ४२ अर्ब ६७ करोड रुपैयाँ खर्च गरेका छन् । गत आर्थिक वर्षमा नेपालीको यस्तो खर्च २९ अर्ब ६२ करोड रुपैयाँ रहेको थियो ।
हाल थाइल्याण्ड घुम्न जानेहरुमध्ये सबैभन्दा धेरै चीन र भारतीय नागरिक रहेको पनि थाइल्याण्डको पर्यटन तथा खेलकुद मन्त्रालयको रिपोर्टले देखाएको छ ।
