काठमाडौं। आईएमई लाइफ इन्स्योरेन्सले लाभांश वितरण गर्ने प्रस्ताव गरेको छ । इन्स्योरेन्सको बैशाख १९ गते बुधबार सम्पन्न भएको संचालक समितिको बैठकले गत आर्थिक वर्ष २०७९/८० को मुनाफाबाट ३४.५० प्रतिशत लाभांश वितरण गर्ने प्रस्ताव गरेको हो ।

कम्पनीको हाल कायम चुक्ता पूँजीको २५ प्रतिशतले हुन आउने १ अर्ब रुपैयाँ बराबरको बोनस सेयर र ९.५० प्रतिशतले हुन आउने ३८ करोड रुपैयाँ बराबरको नगद लाभांश (कर सहित) प्रस्ताव गरेको हो ।

यो लाभांश नियामक बिमा प्राधिकरणबाट स्वीकृत र आगामी साधारण सभाबाट पारित भए पश्चात कम्पनीको चुक्ता पूँजी ५ अर्ब रुपैयाँ कायम हुनेछ ।