काठमाडौँ । राष्ट्रिय वाणिज्य बैंकको रिक्त रहेको प्रमुख कार्यकारी अधिकृत (सिइओ) पदका लागि २० जनाले आवेदन दिएका छन् । बैंकले गत वैशाख ७ गतेदेखि कार्यकारी अधिकृतका लागि खुलाएको आवेदनमा बैंकभित्रबाट उच्च पदका कर्मचारीसहित २० जनाले आवेदन दिएका हुन् ।

आवेदन दिनेहरूमा पवन रेग्मी, विष्णु देव यादव, प्रकाश चन्द्र अधिकारी, डा.राम राज उपाध्याय, देवेन्द्र रमण खनाल, दीर्घ बहादुर अर्याल, झविन्द्र खत्री, गणेश प्रसाद गौतम, कृष्ण बहादुर अधिकारी रहेका छन् ।

त्यस्तै, सुरेश देवकोटा, शंकर केसी, प्रमोद बाबु तिवारी, कृष्ण प्रसाद आचार्य, शंकर कुमार रायमाझी र माधव प्रसाद रेग्मीले पनि सिइओ पदका लागि आवेदन दिएका छन् ।

बैंकका कार्यकारी अधिकृत किरण श्रेष्ठको २ कार्यकालको पदावधि सकिएपछि गत वैशाख ७ गतेदेखि आवेदन खुलेको थियो ।