काठमाडौँ । जगदम्बा स्टिलमा कार्यरत मजदुरको कार्यक्षेत्रमै मृत्यु भएको छ । बाराको सिमरास्थित उद्योगमा काम गर्दागर्दै वीरगन्ज महानगरपालिका–३१ का भुलन चौधरीको मृत्यु भएको हो ।
उद्योगमा काम गर्दागर्दै एक्कासि ढलेपछि अस्पताल लगिएका चौधरीको उपचारका क्रममा वीरगन्ज एल.एल न्यूरो अस्पतालमा मृत्यु भएको उद्योग प्रशासनले जनाएको छ ।
विगत ३ दशकदेखि जगदम्बा स्टिलमा काम गर्दै आएका चौधरी उद्योगभित्र वर्कसपमा काम गर्दै आएका थिए । चौधरीको मृत्युपछि जगदम्बा स्टिलले चौधरीको परिवारलाई १० लाख रुपैयाँ क्षतिपूर्ति र ५० हजार रुपैयाँ क्रिया खर्च उपलब्ध गराउने भएको छ ।
