काठमाडौँ । धनगढी उपमहानगरपालिका-१९ स्थित अस्थायी ट्राफिक प्रहरी पोष्ट फुलवारीको कमाण्ड फेरिएको छ । अस्थायी ट्राफिक प्रहरी पोष्ट प्रमुखका रुपमा प्रहरी हवल्दार शिद्धराज विष्ट आएसँगै अहिले फुलवारी क्षेत्रमा ट्राफिक व्यवस्थापनको कामले तिव्रता लिएको छ ।
यहीबीच फुलवारी क्षेत्रमा ट्राफिक नियम सिकाउने/बुझाउने, सवारी चलाउँदा चालकले ध्यान दिनुपर्ने कुरा लगायतका विषयमा प्रशिक्षण दिन सुरु गरिएको छ ।
पहिलो चरणमा धनगढी-१९ स्थित फुलवारी बसपार्क, फुलवारी अटो तथा हसुलिया अटो चालकहरुलाई प्रशिक्षण दिइएको प्र.ह शिद्धराज विष्टले बताएका छन् । विष्टका अनुसार हाल सवारी चालकहरुलाई ट्राफिक नियम पालना, सडक प्रयोग गर्दा ध्यान दिनुपर्ने कुरा, सडक दुर्घटनाबाट बच्ने उपाय र चालकले सवारी चलाउँदा अपनाउनुपर्ने सावधानी सम्बन्धी प्रशिक्षण दिइएको छ ।
प्रशिक्षणको मुख्य उद्धेश्य सडक दुर्घटना कम गर्नु रहेको विष्टले बताए । ‘सडक दुर्घटनाको जोखिम कम गर्न प्रशिक्षण दिइरहेका छौँ ।’, उनले भने, ‘सुरुवाती दिनमा प्रशिक्षण दिन्छौँ, बिस्तारै कार्यान्वयनतर्फ अघि बढ्छौँ ।
