काठमाडौँ । नेपाल चार्टर्ड एकाउन्टेन्ट्स संघ (एक्यान)को नवनिर्वाचित कार्य समितिले आर्थिक विधेयक २०८१ को प्रभाव बारे विशेष बहस गर्ने भएको छ । जेठ २१ गते होटल हिमालयमा आयोजना हुन लागेको सो कार्यक्रममा आर्थिक विधेयकले विभिन्न क्षेत्रमा पार्ने प्रभावका बारेमा विशेष बहस हुनेछ ।

दिउँसो ३ बजेदेखि बेलुकी ७ बजेसम्म आयोजना हुन लागेको सो कार्यक्रममा सिए सुदर्शन राज पाण्डे, सिए प्रविन राज काफ्ले, सिए. निकिता अग्रवाल, सिए शेषमणि दाहाल र अधिवक्ता महेश कुमार थापा सम्मिलित प्यानल डिसकसन हुनेछ । कार्यक्रममा सहभागी हुन संघका सदस्यले ३५०० र कर्पोरेट सहभागीहरुले ४५०० शुल्क तिर्नुपर्नेछ ।

सो कार्यक्रम सिए सरोकार, अर्थ सरोकार र संघको आधिकारिक फेसबुक पेजमासमेत लाइभ प्रशारण हुनेछ ।