">
काठमाडौँ । नेपाली कांग्रेसका सांसद शान्ति विकले आगामी आर्थिक वर्षको बजेट पार्टीको जस्तो देखिएको बताएकी छिन् ।
प्रतिनिधिसभामा आर्थिक वर्ष २०८१ ८२ को बजेटमाथिको छलफलमा सहभागी हुँदै सांसद विकले यसपालिको बजेट राज्यको भन्दा पनि माओवादी पार्टीको जस्तो देखिएको बताएका हुन् ।
उनले बजेटमार्फत प्रधानमन्त्री पत्नी सीता दाहालको नाममा मेमोरियल कलेज अफ न्याचुरोपेथिक एण्ड योगिक साइन्स स्थापना गर्ने घोषणा गर्नुले बजेट पार्टी केन्द्रित भएको बताएकी छिन् ।
त्यस्तै, उनले स्व.सीता दाहालको नाममा कलेज स्थापना गर्दा उनले दिएको योगदानका बारेमा पनि प्रश्न उठाएकी छिन् । साथै उक्त कलेज स्थापना गर्ने भनिए पनि कति बजेट खर्च गरिने विषय उल्लेख नहुनुले पनि बजेटमाथि थप शंका उत्पन्न गराएको उल्लेख गरेकी छिन् ।
