काठमाडौं। साताको कारोबारको अन्तिम दिन बिहीबार सेयर बजार मापक नेप्से परिसूचक घटेको छ । बुधबारको तुलनामा नेप्से परिसूचक ९.३२ अंकले घटेर २११२.२९ बिन्दुमा पुगेको हो ।
नेप्सेमा कुल ३ सय १३ कम्पनीको एक करोड ४२ लाख ९४ हजार ७ सय १२ कित्ता सेयर खरिदबिक्री हुँदा ६ अर्ब ४४ करोडमाथिको सेयर कारोबार भएको छ ।
आज पनि सबैभन्दा बढी कारोबार नेपाल फाइनान्स लिमिटेडको भएको छ । यस कम्पनीको २८ करोड ४७ लाख ३९ हजार ६ सय ९७ रुपैयाँ २० पैसा बराबरको सेयर कारोबार भएको छ ।
त्यस्तै, बिहीबारको सेयर बजारमा सबैभन्दा बढी नाफा समृद्धि फाइनान्स कम्पनी लिमिटेडका लगानीकर्ताले कमाएका छन् ।
