काठमाडौं । साताको कारोबारको चौथो दिन बुधबार सेयर बजार मापक नेप्से परिसूचक झिनो अंकले बढेको छ । मंगलबारको तुलनामा नेप्से परिसूचक ३.७९ अंकले बढेर २१०४.२२ बिन्दुमा पुगेको हो ।

नेप्सेमा कुल ३ सय १४ कम्पनीको १ करोड ७१ लाख ३४ हजार ८२ कित्ता सेयर खरिदबिक्री हुँदा ५ अर्ब ८ करोडमाथिको सेयर कारोबार भएको छ ।

आज सबैभन्दा बढी कारोबार मञ्जुश्री फाइनान्सको भएको छ। यस कम्पनीको २३ करोड १ लाख ७७ हजार ७ सय ७४ रुपैयाँ ३० पैसा बराबरको सेयर कारोबार भएको छ ।

बुधबारको  सेयर बजारमा सबैभन्दा बढी नाफा सेन्ट्रल फाइनान्सका लगानीकर्ताले कमाएका छन् । यस कम्पनीको सेयर मुल्यमा पोजेटिभ सर्किट लागेको हो।

यसैगरी आज चिरख्वा हाइड्रोपावरले सबैभन्दा धेरै गुमाएका छन् । यस कम्पनीको सेयर मुल्य ४ प्रतिशत भन्दा धेरैले घटेको हो।