काठमाडौं । समृद्धि फाइनान्सको नारायणगढ शाखाद्वारा वृक्षारोपण कार्यक्रम सम्पन्न भएको छ । फाइनान्सले श्रावन १२ गते चितवनको प्रज्ञा स्मार्ट पार्कमा विभिन्न फुल तथा फलफुलका बोट लगाई उक्त कार्यक्रम सम्पन्न गरेको हो ।
गत हप्ताबाट सुरु भएको बृक्षारोपण कार्यक्रम श्रावण महिना भित्र फाइनान्सका अन्य शाखाहरुबाट पनि सम्पन्न गर्ने तय भएको संस्थाले जनाएको छ ।
समृद्धि फाइनान्सले हाल तेह्र वटा शाखाहरु मार्फत नगद कारोवार, आरटिजिएस, आइपीएस, कनेक्ट आइपीएस, रेमिटान्स, क्लियरिङ्ग लगायतका बैंकिङ सेवा प्रदान गर्दै आएको छ भने मोवाइल बैंकिङ, डेबीट कार्ड, क्यूआर कोड आदि डिजिटल सुविधाहरु नि:शुल्क प्रदान गरिरहेको छ ।
