काठमाडौँ । एयर डाइनेस्टीको हेलिकप्टर दुर्घटनामा ५ जनाको मृत्यु भएको छ । बुधबार नुवाकोटको शिवपुरी गाउँपालिका-७ सूर्यचौर क्षेत्रमा भएको दुर्घटनामा पाइलटसहित पाँच जनाको मृत्यु भएको हो ।
मृत्यु हुनेमा पाइलट (नेपाली नागरिक) अरुण मल्ल, चिनियाँ नागरिक जुतड ताङ, जेइली, सीयाद वी र जीक्वीङ सी रहेका छन् ।
उद्धारमा खटिएका प्रहरीका अनुसार दुर्घटनामा ज्यान गुमाउने पाँचै जनाको शव दुर्घटनास्थलबाट निकालिसकिएको छ । उक्त हेलिकप्टर चिनियाँ नागरिक बोकेर बुधबार दिउँसो १ः५४ बजे काठमाडौँबाट रसुवाका लागि उडेको थियो ।
उक्त जहाज काठमाडौँबाट उडेको ३ मिनेटपछि टावरसँग सम्पर्कविच्छेद भएको थियो ।
