काठमाडौँ । नेपाल इन्भेष्टमेन्ट मेगा बैंक राष्ट्र बैंकको कार्वाहीमा परेको छ । नियम उल्लंघन गरेको भन्दै राष्ट्र बैंकले नेपाल इन्भेष्टमेन्ट मेगा बैंकलाई कारबाही गरेको हो । 

राष्ट्र बैंकका अनुसार बैंक खाता खोल्दा/सञ्चालन गर्दा पर्याप्त सावधानी नअपनाएको भन्दै नेपाल इन्भेष्टमेन्ट मेगा बैंकलाई कारबाही गरिएको हो । बैंकलाई राष्ट्र बैंक ऐन, २०५८ को दफा १०० को उपदफा (१) को (क) अनुसार सचेत गराइएको राष्ट्र बैंकले जनाएको छ । 

यसअघि राष्ट्र बैंकले फाइनान्स कम्पनीतर्फ रिलायन्स फाइनान्स, प्रोग्रेसिभ फाइनान्स, जानकी फाइनान्स र गोर्खाज फाइनान्सलाई कारबाही गरेको थियो भने विकास बैंकतर्फ सिन्धु विकास बैंक, सालपा विकास बैंक र मितेरी डेभलपमेन्ट बैंकलाई कारबाही गरेको थियो ।