">
- अर्थ सरोकार सम्बाददाता
पर्वत । मंगलबार गण्डकी प्रदेशमा थप ११ जनामा कोरोना भाइरस संक्रमण पुष्टी भएको छ । प्रदेशका २ जिल्लाका ११ जनामा संक्रमण पुष्टि भएको स्वास्थ्य निर्देशनालय गण्डकी प्रदेशका निर्देशक एवं गण्डकी कोरोना रोकथाम तथा नियन्त्रण कार्यक्रमका प्रवक्ता डा. बिनोदबिन्दु शर्माले जानकारी दिए ।
नवलपरासी (बर्दघाट सुस्ता पूर्व)को गैँडाकोट नगरपालिका–२ का २ जना, वडा नम्बर ५ का २ जना तथा वडा नम्बर ८ की १ जनामा संक्रमण देखिएको हो । यस्तै कावासोती नगरपालिका–२ की १ जनामा पनि कोरोना देखिएको छ ।
कास्कीको पोखरा महानगरपालिकाका पाँच जनामा पनि संक्रमण रहेको पाइएको छ । योसँगै गण्डकी प्रदेशमा संक्रमितहरुको संख्या दुई हजार ६१२ पुगेको छ। कोरोना संक्रमणबाट गण्डकी प्रदेशमा २० जनाको मृत्यु भइसकेको छ।
