काठमाडौँ । नेपाल वायुसेवा निगम (नेपाल एयरलाइन्स)का पाइलटहरु आन्दोलनमा उत्रिएका छन् । सेवा सुविधा वृद्धिको माग गर्दै उनीहरु आन्दोलनमा उत्रिएका हुन् ।
जहाज उडाउन छोडेर पाइलटहरु आन्दोलनमा उत्रिएपछि अहिले नेपाल एयरलाइन्सको जहाज प्रयोग गरेर विभिन्न अन्तराष्ट्रिय गन्तव्यमा जानुपर्ने यात्रुहरु मर्कामा परेका छन् । नेपाल एयरलाइन्सका पाइलटहरु गत कार्तिक पहिलो सातादेखि नै आन्दोलनमा छन् ।
खासगरी नेपाल एयरलाइन्सको जहाज प्रयोग गरेर भारतको मुम्बई र युनाइटेड अरब इमिरेट्स (यूएई) जाने यात्रु अलपत्र परेका छन् ।
हाल पाइलट आन्दोलनमा उत्रिएर उडान प्रभावित भएपछि निगमले उडान सारेको छ । तर, समयमा पुग्नुपर्ने गन्तव्यमा पुग्न नपाउँदा र विमानस्थलमा अलपत्र हुँदा ठूलो सास्ती खेप्नुपरेको भन्दै यात्रुहरु आक्रोशित भएका छन् ।
