- अर्थ सरोकार सम्बाददाता
काठमाडौं । नेपाल एसबिआई बैंकका प्रमुख कार्यकारी अधिकृत (सीइओ) अनुकूल भटनागर बैंकबाट बहिरिएका छन् । स्टेट बैंक अफ इण्डिया (एसबिआई) का कर्मचारी भटनागर नेपालको कार्यकाल सकेर बहिरिएका हुन् ।
भटनागरलाई स्टेट बैंक अफ इण्डियाले फिर्ता बोलाएसँगै दीपककुमार डेलेलाई प्रमुख कार्यकारी अधिकृत बनाएर पठाएको छ । भदौ १९ गते बैंक सञ्चालक समितिको बैठकले भारतीय स्टेट बैंकको निर्णयलाई सदर गरी भटनागरलाई फिर्ता पठाउने स्वीकृति दिएको हो । सोही बैठकले दीपककुमार डेले पदमा पदबहाल नहुँदासम्मको लागि नायब कार्यकारी प्रमुख शुभकान्त कानुनगोलाई कायममुकायम प्रमुख कार्यकारी अधिकृतको जिम्मेवारी प्रदान गर्ने निर्णय गरेको छ।
