काठमाडौँ । नेपाल चार्टर्ड एकाउन्टेन्ट्स संस्था (आइक्यान)को २८औँ वार्षिकोत्सव कार्यक्रम सम्पन्न भएको छ । बिहीबार काठमाडौँको बानेश्वरस्थित होटल एभरेष्टमा आइक्यानको वार्षिकोत्सव कार्यक्रम भव्य रुपमा सम्पन्न भएको हो । वार्षिकोत्सव कार्यक्रमको उद्घाटन उपप्रधानमन्त्री एवम् अर्थमन्त्री विष्णु पौडेलले गरेका थिए ।
कार्यक्रमको उद्घाटन गर्दै अर्थमन्त्री पौडेलले आइक्यानलाई २८औँ वार्षिकोत्सवको शुभकामना दिँदै सार्वजनिक वित्त व्यवस्थापन सुधारमा चार्टर्ड एकाउन्टेन्ट (सिए)को भूमिका महत्वपूर्ण हुने बताएका थिए ।
कार्यक्रममा आइक्यान र सिएहरुको भूमिकाबारे प्रशंसा गर्दै अर्थमन्त्री पौडेलले मुलुकको कर प्रणालीमा सुधार र राजस्व अभिवृद्धिका लागि चार्टर्ड एकाउन्टेन्टसँग सरकारले महत्वपूर्ण सहकार्यको अपेक्षा गरेको उल्लेख गरेका छन् ।
त्यस्तै, कार्यक्रममा अर्थमन्त्रीले आइक्यानको आर्थिक वर्ष २०८०-८१ को वार्षिक प्रतिवेदन सार्वजनिक गरेका थिए भने आइक्यानका अध्यक्ष प्रविण कुमार झाले उक्त वार्षिक प्रतिवेदन प्रस्तुत गरेका थिए । वार्षिकोत्सवको अवसरमा आइक्यानले ७औँ दीक्षान्त समारोहसमेत सम्पन्न गरेको छ । त्यस्तै, कार्यक्रममा AML/CFT and Transfer Pricing कन्फरेन्स पनि आयोजना गरिएको थियो । कार्यक्रममा आइक्यानका पदाधिकारी, पूर्व अध्यक्ष, पूर्व पार्षद्, काउन्सिल सदस्य तथा चार्टर्ड एकाउन्टेन्टहरुको सहभागिता रहेको थियो । बाँकी तस्विरमा हेर्नुहोस्ः
